Tag kini
Da Kini sogd: „Ois Weichtier wennsdmit Voigas durchn Gartn rennsd,paß auf de Kürbis auf im Hiagschd,weilsd vo de leicht an Binkl kriagsd.“Ja schbini, sogd da Kini.... mehr auf emsemsem.wordpress.com
Da Kini sogd: „Ois Rengwurm wennsdmim Kopf voraus durchs Erdreich rennsd,bleib zu de Spatn auf Distanz,sunst bisd du zwoageteilt statt ganz.“Ja schbini, sogd da Kini.... mehr auf emsemsem.wordpress.com
Da Kini sogd: „Wennsd Oar einkaufst,gib Obacht, weil wennsd zu schnäi laufst,kunnds sei, du stolperst und di straats,und du liegst drinn im gäibn Baaz.“Ja schbini, sogd da Kini.... mehr auf emsemsem.wordpress.com
Da Kini sogd: „Ois Nashorn wennsdmit Voigas durchn Dschungl rennsd,paß auf, daßd mit koam Baum zsammsteßt,weil sunst hängst mit deim Hörndl fest.“Ja schbini, sogd da Kini.... mehr auf emsemsem.wordpress.com
Da Kini sogd: „Es gibt nix Feinersois wiara knuprig brodns Schweiners.Ned z moger, sondern schee durchwachsn.Dazua Gartofflklöß aus Sachsn.“Ja schbini, sogd da Kini.... mehr auf emsemsem.wordpress.com
Da Kini sogd zum Alice Cooper:„Du bist ois Sänger ned grod super.Des macht nix, Hauptsach du singst laut,daß se a jeder gfreit 'School's out!'"Ja schbini, sogd da Kini.... mehr auf emsemsem.wordpress.com
„Du Papa“, sogd sei Bua zum Kini,„wos is des eigentlich, a Teenie?“„Du frogst mi aba Sachan, Kloana.I woaß ned, weil i war nie oana.“Ja schbini, sogd da Kini.... mehr auf emsemsem.wordpress.com
Da Kini sogd: „Mein Voik wenn schbindund dauernd auf Reformen sinnt,dann sog i bloß: „Le Voik c'est moi,Dann deaf i wieder olles doa.“Ja schbini, sogd da Kini.... mehr auf emsemsem.wordpress.com
Da Kini geht in d’Wellness-Zone mit ohne oim und mit da Krone, weil manchmoi muaß a beim Sauniern wos ganz wos Wichtigs wegregiern. Ja schbini, sogd da Kini.... mehr auf emsemsem.wordpress.com
Im Tempodrom is’s rappevoi: The Kinis schbuin live Rock ‘n’ Roi! Da Kini zäid: „A one, a two.“ Dann schreid a: „Leid, we will rock YOU!“ Ja schbini, sogd da Kini.... mehr auf emsemsem.wordpress.com
Da Kini macht an Dauerlauf. Noch zwoa, drei Mädda häad a auf, weil eahm sofort de Luft ausgäd. Dasticka mächad a grod ned. Ja schbini, sogd da Kini.... mehr auf emsemsem.wordpress.com
Da Kini schimpfd: „Es Brinzn es! Des is koa Schbuiblods, schbindsn es! Jetz aba zackzack zsammaramma, daß’ wieda blitzt, mei Foiddakamma!“ Ja schbini, sogd da Kini.... mehr auf emsemsem.wordpress.com
Da Kini sogd: „I hob koan Strom. Desweng brauch i aa koan Atom. Trotzdem geht s’Liachd bei mir ned aus, weil i hob gor koans ned im Haus.“ Ja schbini, sogd da Kini.... mehr auf emsemsem.wordpress.com
Da Kini sogd: „Dass mi so friad? Und warum bini bloß so miad? Und außadem is ma so fad.“ Sogd d’Kuni bloß: „Jetz bi hoid schdaad.“ Ja schbini, sogd da Kini.... mehr auf emsemsem.wordpress.com
The Kinis prom im Thronsaal drom an Live-Auftritt im Tempodrom. Da Kini zäid: „A oans, a zwoa“, dann schbuid a doch wieder alloa. Ja schbini, sogd da Kini.... mehr auf emsemsem.wordpress.com
Da Kini sogd: „I bau a Schloß. A vui a gräßas ois bloß groß. Und schee sois nembei aa no sei. Drum, liaba Geist, deafsd du ned nei.“ Ja schbini, sogd da Kini.... mehr auf emsemsem.wordpress.com
Da Kini sudsld zwoa Weißwiaschd, und trinkt a Weißbier, weil eahm diaschd. Sei Diener sogd: „Mia ham koa Brezn.“ Da Kini sodg: „Es sads da Glezn.“ Ja schbini, sogd da Kini.... mehr auf emsemsem.wordpress.com
Da Kini flaggt vorm Schloß im Gros und draamd, er waar da Osterhos, der munter üba d’Fäida schbringd und koane Osteroar ned bringd. Ja schbini, sogd da Kini.... mehr auf emsemsem.wordpress.com
Da Kini sogd: „I steh jetz auf und mach draußd no an kloana Lauf, bis daß i schnauf wia s’Roß vom Bräu. Dann schlaf i vielleicht schneller ei.“ Ja schbini, sogd da Kini.... mehr auf emsemsem.wordpress.com
„Mei Geist und i, mia samma Freind, und zimftig weads, wenn a erscheint! Er hubfd ois Kaschpal umanand und bloß a Leinduach is sei Gwand.“ Ja schbini, sogd da Kini.... mehr auf emsemsem.wordpress.com
Da Summa kimd, da Kini merkd, er hod se a weng zu stark gstärkd. „Hoidd hoid“, sogd d’Kuni, „heid Diät.“ Da Kini sigd: „I schbin doch ned.“ Ja schbini, sogd da Kini.... mehr auf emsemsem.wordpress.com
Da Kini sogd: „D’Wäid gäd ned unter, fia sowos is vui z’frisch und munter, und solang i da Kini bi, solang wead nia koa Wäid ned hi.“ Ja schbini, sogd da Kini.... mehr auf emsemsem.wordpress.com
Da Kini sogd zur Angela, daß er gern Bundeskanzler waa. Sogd sie zu eahm ned grod galant, daß sie bloß Bundeskanzler kannt. Ja schbini, sogd da Kini. Da Kini sogd zur Angela, daß er gern Bundeskanzler waa. Sogd sie zu eahm: „Nee, Kini-Schatz! Da is doch nur für eene Platz.“ Ja schbini, sogd da Kini.... mehr auf emsemsem.wordpress.com
Da Kini kriagt a neie Krone, und d’Kuni moand, de waar ned ohne. Sie häd an Schick und Eleganz. „Bloß zu deim Kopf passt’s ned so ganz.“ Ja schbini, sogd da Kini.... mehr auf emsemsem.wordpress.com
Da Kini sogd: „Mi hod amoi da Kaiser eiglon auf an Boi. Do hob i danzd, des mechsd ned glaum. Kurz drauf war i unter der Haum.“ Ja schbini, sogd da Kini.... mehr auf emsemsem.wordpress.com
Da Kini äagad se ned schlechd, daas eahm sei Bua a Radl mechd. „Loß ma mei Ruah, du dumma Bua! Dei Sänfte, sog i, is Sach gnua.“ Ja schbini, sogd da Kini.... mehr auf emsemsem.wordpress.com
Da Kini trinkt a Hafal Tää und d’Kuni trinkt oans mit Kaffää. Dazua ißt jeds a Stickal Torte, und song deans nix, weil – ohne Worte. Ja schbini, sogd da Kini.... mehr auf emsemsem.wordpress.com
A hoher Diblamat aus Schwohm foid vor seim Schloß vom Roß inn Grohm. Da Kini sogd: „Er sei bedankt. A Kniafoi häd ma aba glangd.“ Ja schbini, sogd da Kini.... mehr auf emsemsem.wordpress.com
„Vadda, Vadda, Kinivadda! Gäh mit mir ins Kaschpaltheater!“ „Es gibt koan Kaschpal fiar an Prinz! I glaub, es junga Leit, es schbinz.“ Ja schbini, sogd da Kini.... mehr auf emsemsem.wordpress.com
A Geist gäd um. Es schlogd grod zwäife. Da Kini sogd: „Na wart, dir häif e! Vazupf de du, du Tuach, du weiß’!“ „Gu’n Tach“, sogd des. Es is a Breiß. Ja schbini, sogd da Kini.... mehr auf emsemsem.wordpress.com
Da Geist sogd: „König, wackrer Mann, ich biet’ Euch meine Freundschaft an. Nennt mich statt Kunibert kurz Kuno.“ „Und i hoaß Kini anstatt Kino.“ Ja schbini, sogd da Kini.... mehr auf emsemsem.wordpress.com
Da Kini hoggd am Roß. Des boggd, Und trotzdem, dass an dauernd loggd, sei Gaul bleibt stur und riad se ned. „Ja sowos bläds!“, sogd a und gäd. Ja schbini, sogd da Kini.... mehr auf emsemsem.wordpress.com
De Kuni schimpfd: „Du wenns da trausd und wenns da du a Lustschloß bausd, dann kundd’s sei, daß a ganza Woid voi lauta Watschnbaam umfoid.“ Ja schbini, sogd da Kini.... mehr auf emsemsem.wordpress.com
„Waar i ned Kini, sondern Scheich, des waar ma“, sogd da Kini, „gleich. Ois Scheich waarsd nämli grod gleich reich, und s’Königreich waar mei Scheichreich.“ Ja schbini, sogd da Kini.... mehr auf emsemsem.wordpress.com
„Ich heiße Kuno“, sogd da Geist, „und damit du es auch nur weißt, ich geistre nicht in jedem Haus.“ Da Kini sogd: „Wenn’s so is: raus!“ Ja schbini, sogd da Kini.... mehr auf emsemsem.wordpress.com
An Kini druckt des schlechte Gwissn. Er hod sein Geist, an Kuno bschissn. Trotzdem duad a ned umanand. Da bläde Geist hod ja nix gschbannd. Ja schbini, sogd da Kini.... mehr auf emsemsem.wordpress.com
Da Geist hod gern im Schloß drin gwohnt. Da Kini isn scho so gwohnt, dass a jädsmoi um Mitternacht aufwacht, wenn der koan Krach ned macht. Ja schbini, sogd da Kini.... mehr auf emsemsem.wordpress.com
Da Kini sogd: „In meiner Wäid do gibt’s koa Armut und koa Gäid. Do gibt’s bloß Reime und gibt’s mi. Wos mächsdn mehra, frog i di?“ Ja schbini, sogd da Kini.... mehr auf emsemsem.wordpress.com
„I studier jetz an der Uni“, sogd da Kini zu da Kuni, „weil i Kini wissn mächd, ob i guad bin oda schlächd.“ Ja schbini, sogd da Kini.... mehr auf emsemsem.wordpress.com
Da Kini sogd: „I bin koa Scheich, bin aba trotzdem furchtbar reich, weil reich bist, wennsd koa Gäid vadienst und bloß no an der Börsn gwinnst.“ Ja schbini, sogd da Kini.... mehr auf emsemsem.wordpress.com